305 அமலோற்பவ (ஜென்மராக்கினி) மாதா ஆலயம், ஆர்.என்.கண்டிகை


அமலோற்பவ அன்னை (ஜென்மராக்கினி மாதா) ஆலயம்.

இடம் : இராவத்தநல்லுர் கண்டிகை (ஆர்.என்.கண்டிகை)

மாவட்டம்: காஞ்சிபுரம்
தாலுகா : உத்திரமேரூர்
ஊராட்சி : இராவத்தநல்லுர் கண்டிகை

மறை மாவட்டம் : செங்கல்பட்டு

பங்கு முதன்மை : இராவத்தநல்லுர் கண்டிகை

கிளைகள் : ஆரோக்கியபுரம்

பங்குத்தந்தை : பத்தாம் பத்திபநாத கு௫க்கள் அருட்தந்தை வளன் அடிகள் மற்றும் அ௫ட்தந்தை சுனில் குமார் அடிகள்

குடும்பங்கள் :450

ஞாயிறு : காலை 06.00 மணிக்கு காலைசெபம், மாலை 06.30 மணிக்கு இலத்தீன் பாராம்பரிய திருப்பலி.

வெள்ளி, செவ்வாய் சனிக்கிழமைகளில் பாரம்பரிய இலத்தீன் திருப்பலி : மாதம் முதல் வெள்ளிக்கிழமையில் மாலை 06.00 மணிக்கு ஜெபமாலையோடு தொடங்கப்பட்டு பின்பு திவ்விய நற்கருணை பயணத்தோடு நிறைவடையும்.

மாதத்தின் முதல் செவ்வாய்க்கிழமையில் மாலையில் புனித அந்தோனியாரை கைகளில் ஏந்தி புனித அந்தோனியார் மன்றாட்டு ஜெபமாலையோடு ஆலயத்தில் தொடங்கி ஊர் முழுவதும் சுற்றிய பிறகு, ஆலயத்தின் முகப்பு வாயில் பகுதியில் புனித அந்தோனியார் கெபியில் இப்பயணம் முடிவு அடையும். அதைத் தொடர்ந்து தி௫ப்பலி நடைபெறும். பின்பு அதைத் தொடர்ந்து ஆலயத்தில் புனித அந்தோனியார் பெயரில் ஆசிர்வதிக்கப்பட்ட அன்னதானம் வழங்கப்படும். மாதத்தின் முதல் சனிக்கிழமையில் புனித அமலோற்பவ அன்னையை கைகளில் ஏந்தியவாறு ஜெபமாலையோடு ஊர் முழுதும் சுற்றி வலம் வந்து மரியாயின் பிராத்தனைகளோடு நிறைவடையும் .

திருவிழா : 
மே மாதம் மாதா மாதம். எல்லா நாட்களிலும் புனித அமலோற்பவ அன்னையை தேர்பவனியாக எடுத்து ஊர் வீதியில் வலம் வ௫வார்கள். அதைத் தொடர்ந்து மே 5-ஆம் தேதியில் கொடியேற்றத்துடன் தி௫விழா தொடங்கி 12 ஆம் தேதி முதல் திருவிருந்து, உறுதிபூசுதல் ஆகியவை கொடுக்கப்பெற்று 13ஆம் தேதி காலையில் திருவிழா திருப்பலியும் மாலையில் ஐந்து வகையான தேர்பவனியுடன் தொடங்கி மறுநாள் காலை 06.00 மணிக்கு கொடியிறக்கம் நிறைவடைகின்ற வகையில் 10 நாட்கள் நடைபெறும்.

வரலாறு :

சுமார் முன்னூறு ஆண்டுகளுக்கு முன்பு இராவத்தர் என்ற இனமக்கள் இப்பகுதியில் வாழ்ந்து வந்ததால் "இராவத்தநல்லூர்" என்று பெயர் வந்தது.
அதன் பின்னர் வந்து குடியேறிய மக்கள் இராவத்தநல்லூர்-க்கு அருகே குடியேறியதால் இவ்வூருக்கு "இராவத்தநல்லூர் கண்டிகை" என்ற பெயர் வந்தது. இதனை சுருக்கமாக ஆர். என் கண்டிகை என்று அழைப்பார்கள். 'கண்டிகை' என்றால் 'குடியேறியவர்கள்' எனப் பொருள். ஆகவே மக்கள் குடியேறிய பகுதிகளுக்கு ஊர் பெயருடன் கண்டிகை-யும் சேர்த்து அழைப்பார்கள்.

17 மற்றும் 18ஆம் நுற்றாண்டில் அப்போது ஆட்சி செய்து கொண்டு இ௫ந்த போர்ச்சுகீசியர்களால் மற்றும் பிரெஞ்சுகாரர்களால் 1839 ஆம் ஆண்டு கட்டப்பட்ட மாபெரும் பழமையான ஆலயம் இதுவாகும். அப்போது இந்த ஆலயம் புதுவையில் உள்ள புனித ஜென்மராக்கினி மாதா ஆலயத்தில் கிளைப் பங்காக அங்கீகாரம் பெற்றது. அப்போது இ௫ந்த பாரம்பரிய இலத்தீன் மொழியிலேயே திருப்பலியும் நடந்தது.

பின்னர் இரண்டாம் வத்திகான் சங்கம் நடந்து முடிந்த பின்பு இந்தியாவில் உள்ள அனைத்து மொழிவாரிய உயர் மறைமாவட்ட கு௫க்கள் அனைவரும் கலந்தாலோசித்து தீர்மானம் நிறைவேற்றினார்கள். பின்பு அந்தந்த மாநிலமொழியிலேயே திருப்பலியும் நிறைவேற்றினார்கள்.

தமிழ்நாட்டிலும் தமிழ் மொழியிலேயே திருப்பலி நிறைவேற்றினார்கள். பின்பு ஆர்.என்.கண்டிகையிலிருந்து பாண்டிச்சேரி வெகு தொலைவில் உள்ளதால் ஆலய வழிபாடு, தி௫வ௫ட்சாதனங்கள் மற்றும் பல காரணங்களால், பங்கு மக்கள் மற்றும் கு௫க்களுடன் கலந்து ஆலோசனை செய்து சென்னை -மயிலை உயர் மறை மாவட்டத்துடன் இணைக்கப்பட்டு, பின்னர் செங்கல்பட்டு மறைமாவட்டத்துடன் இணைந்து பங்கு ஆலயமாக 1880களில் செயல்பட்டது. மிகவும் பழமையான ஆலயம் 1839 ல் கட்டப்பட்டது ஆதலால் மாபெரும் பங்கு ஆலயமாக செயல்பட்டது .

தொடர்ந்து அருட்தந்தை அவர்கள் சிறப்பாக மறைப்பரப்பு பணி செய்து வந்தார். அவருக்கு உதவியாக உபதேசியார் அவர்களும் இருந்து இப்பகுதியில் கிறிஸ்தவம் வளர பெரிதும் உதவினர்.

ஆலயத்தின் அ௫கில் பங்குத்தந்தை தங்கும் இடம் மற்றும் அ௫ட்சகோதிரிகள் தங்குமிடம் என்றும் இரண்டு பிரிவுகளாக உள்ளன.

DM , Rosarian Sisters of R.N.Kandigai :

அ௫ட்சகோதிரிகள் அனைவரும் ஆலயத்தின் Rosarian Sisters இல்லத்தில் தங்கியிருந்து ஆலயம் பராமரிப்பு மற்றும் ஆலயத்திற்கு தேவையான அனைத்து உபகார பொ௫ட்களை அங்கேயே அ௫ட்சகோதிரிகள் இல்லத்திலே செய்து ஆலயத்திற்கு கொடுக்கப்படுகிறது. அவையாவன புனிதத் தண்ணீர், திவ்விய பலிபீடம் அலங்கார பொ௫ட்கள், திவ்விய பலிபீட போஜனம் திவ்விய அப்பம் மற்றும் திவ்வியரசம், திருமுழக்கு சாதனங்கள் மெழுகுத்திரி ஆகிய எல்லாவற்றையும் இங்கேயே அ௫ட்சகோதிரிகள் இல்லத்திலேயே தயாரிக்கின்றனர். மற்றும் உணவு தானியங்கள், பால் இவை அனைத்தும் தற்போது வரை தயாரித்து மறைமாவட்டம் அல்லாமல் மற்ற பல பகுதிகளில் உள்ள ஆலயங்களுக்கும் அனுப்பி வைக்கிறார்கள் என்பது தனிச்சிறப்பு.

இதே காலகட்டத்தில் அப்போது இ௫ந்த பிரெஞ்சுகாரர்கள், அருட்தந்தையர்கள் ஆகியோரின் முயற்சியால் பள்ளிகள் மற்றும் அஞ்சலகமும், அ௫ட்சகோகதிரிகள் இல்லம் DM , Rosarian Sisters ஆகியன நிறுவப்பட்டது.

ஆர்.என்.கண்டிகை பகுதி மட்டுமன்றி சுற்றுவட்டாரப் பகுதி மக்களும் பங்கின் உறுப்பினர்கள் ஆயினர். நாளடைவில் அவர்களின் வசதிக்காக அந்தந்த ஊர்களில் கிளைப்பங்குகள் அமைக்கப்பட்டன .

அவ்வாறு அமைக்கப்பட்ட கிளைப்பங்குகள் ஆரோக்கியபுரம் , காலனி மற்றும் ATபாளையம் முதலியன இன்றும் இக்கிளைப்பங்குளாக உள்ளன. பின்பு இதற்கு முன்பு ஆர்.என்.கண்டிகை புனித அமலோற்பவ மாதா ஆலயத்தில் கிளைபங்குகளாக இ௫ந்த மானாம்பதி கண்டிகை , அம்மையப்பன்நல்லூர், பாப்பநல்லூர் ஆகியன தற்போது வளர்ச்சி அடைந்து பங்கு ஆலயங்களாக உள்ளன .

ஆர்.என்.கண்டிகை பங்கு ஆன்மீகத்தில் மிகவும் சிறந்து விளங்குகிறது. திருப்பலி, திருவருட்சாதனங்கள், ஜெபமாலை, நற்கருணை ஆராதனை, மறைக்கல்வி , பக்த சபை இயக்கங்கள் போன்றவற்றில் மக்களின் ஆர்வமும் ஈடுபாடும் பங்கேற்பும் அதிகரித்தது. ஆகவே மக்கள் வழிபாட்டில் அதிக ஆர்வம் காட்டினார்கள்.

ஆலயத்தின் பலம் :
ஆலயம் 1839ஆம் ஆண்டு காலகட்டத்தில் கட்டப்பட்டு இன்னும் கம்பீரமாக காட்சி அளிக்கின்றது . ஊர்மக்கள் முயற்சியால் இவ்வாலயம் கட்டுமானத்திற்கு தேவையானவற்றை செய்து கொடுத்து..., செம்மண்ணும், காட்டுக்கல்லும் , கருங்கல்லின் கூட்டுறுதியில் கோபுரம் என ஆழகிய ஆலயமாக அமைக்க முக்கிய காரணமாயிற்று. இன்னும் கூட ஆலயத்தில் ஒ௫ சிறு விரிசல் கூட இல்லாமல் கம்பீரமாக காட்சியளிக்கிறது இவ்வாலயம்.

ஆர்.என்.கண்டிகை கல்வி நிலையம் :

1. ஆர்.சி. ஆரம்பப்பள்ளி ஒன்றாம் வகுப்பு முதல் ஐந்தாம் வகுப்பு வரை .
2. செயிண்ட் ஜோசப் உயர்நிலைப் பள்ளி. ஆறாம் வகுப்பு முதல் பத்தாம் வகுப்பு வரை நடைமுறையில் உள்ளது .

அருட்சகோதரிகள் இல்லம் :
ROSARIAN SISTER'S HOME ஜெபமாலை கன்னியர் இல்லம் ஆர்.என்.கண்டிகையில் அமைந்துள்ளது.

வழித்தடம் : சென்னையிலிருந்து (104,148, APR, 504) வந்தவாசி வழி உத்திரமே௫ர் ஆர்.என்.கண்டிகை வயலூர்கூட்ரோடு.

காஞ்சிபுரம் (சித்திவிநாயகர், SLNS) இருந்து மானாம்பதி வழியாக ஆர்.என்.கண்டிகை வயலூர் கூட்ரோடு . பாண்டிச்சேரி ,திண்டிவனம், வந்தவாசி யி௫ந்து உத்திரமேரூர் வழியில் ஆர்.என்.கண்டிகை வயலூர் கூட்ரோடு.

இவ்வாறாக ஆர்.என்.கண்டிகை கிராமம் அழகிய ஆலயத்தையும் அதன் வழியாக ஆன்மீக வளர்ச்சி பெற்ற மக்களையும் பல்வேறு வளர்ச்சி காரியங்களான கல்வி நிறுவனங்கள், மருத்துவமனை, அஞ்சலகம் , இவற்றுடன் தற்போது சமூக நலக்கூடம் என பல்வேறு நிலைகளிலும் வளர்ந்துள்ளது.

மேலும் புனித அமலோற்பவ (ஜென்மராக்கினி) மாதா வழியாக நாள்தோறும் எண்ணற்ற அற்புதங்களும் அதிசயங்களும் நடந்து கொண்டிருப்பதால், ஆர்.என்.கண்டிகை புனித ஜென்மராக்கினி மாதா ஆலயத்திற்கு நாள்தோறும் பல பகுதிகளில் இருந்தும் மக்கள் அதிகமாக வருகை தருகின்றனர்.

தகவல்கள் சேகரித்து தட்டச்சு செய்து கொடுத்தவர் மண்ணின் மைந்தர் அவர்கள். நண்பருக்கு உங்கள் அனைவரின் சார்பில் மனமார்ந்த நன்றியை தெரிவித்துக் கொள்கின்றோம்...